ሕብረት ኣውሮፓ ኣብ ዶባት ኢትዮ-ኤርትራ ንዘሎ መገዲታት ፅገና ዝውዕል 20 ሚሊየን ዩሮ ድጋፍ ሂቡ

ኣብ ኣውሮፓ ሕብረት ኮሚሽነር ዓለም ለኻዊ ምትሕብባርን ልምዓትን ኔቬን ሚሚካ ኣብ ኤርትራ ሎሚ መዓልቲ ዕላዊ ዑደት ስራሕ ኣሳሊጦም።
እቶም ኮሚሽነር፥ ኢትዮጵያን ኤርትራን ኣብ ዝራኸባሎም ዶባት ዘለዉ መገዲታት መሊስካ ንምፅጋን ዘኽእል 20 ሚሊየን ዩሮ ድጋፍ ከምዝገበረ ኣፍሊጦም።
ኮሚሽነር ኔቬን ሚሚካ ኣብ ኤርትራ ኣብ ዝነበሮም ፃንሒት ምስ ፕሬዚዳንት እታ ሃገር ኢሳያስ ኣፈወርቂ ብምርኻብ፥ ኣብ ከባቢዊን ፖለቲካዊ ርክብ ኣውሮፓ ሕብረትን ኤርትራን ክብ ኣብ ዝብለሉን ዛዕባ ተዛቲዮም።
ኣብ እዋን እቲ ዘተ፥ ታሪኻዊ ርክብ ኢትዮጵያን ኤርትራን ኣብ ምጥንኻር እቲ ሕብረት ኣድላዪ ደገፍ ከምዝገብር እቶም ኮሚሽነር ተዛሪቦም።

ነዚ እውን ክልቲአን ሃገራት ዝራኸባሉ ኣብ ከባቢ ዶብ ዘሎ መገዲ ንምፅጋን ዘኽእል 20 ሚሊየን ዩሮ ብሓገዝ ከምዝሃበ ገሊፆም።
እቲ ደገፍ ንግዲን ሓድነትን ክልቲአን ሃገራት ክብ ካብ ምባል ብተወሳኺ ዜጋታት ክልቲአን ሃገራት ዕድል ስራሕ ንክረኽቡ ከምዘኽእል ኣብሪሆም።