ኪነ ጥበቡ - ማኅሌተ ጽጌ 2ኛ ሰንበት መዝሙር

***መዝሙር***
ኪነ ጥበቡ መንክር ወዕፁብ
ኪነ ጥበቡ መንክር ወዕፁብ
ለዘሀሎ መልዕልተ አርያም
አርአየ ምሕረቶ በላዕሌነ
ዘከለሎ ለሰማይ በከዋክብት ብሩህ አርአየ ምሕረቶ በላዕሌነ
ወለምድርኒ አሠርገዋ በጽጌያት ንጹሕ አርአየ ምሕረቶ በላዕሌነ
ወሠርዓ ሰንበተ ለነባሪ ያዕርፉ ባቲ አርአየ ምሕረቶ በላዕሌነ
ከመ ጽጌ ደንጐላት ዘውስተ ቆላት ጸገዩ ቀንሞስ ምስለ ናርዶስ።

*** ሰላም ***
ሐረገ ወይን
እንተ በምድር ሥረዊሃ
ወበሰማይ አዕፁቂሃ
ሐረገ ወይን
እንተ በሥሉስ ትትገመድ ወታፈሪ ለነ አስካለ በረከት
ሐረገ ወይን
ሲሳዮሙ ለቅዱሳን
ሐረገ ወይን
ሠርዓ ሰንበተ በቃሉ
ወጸገወ ሰላመ ለኩሉ